श्रीनगर गढ़वाल: साहित्य अर पत्रकारिता जगत से जुड़ीं द्वी विभूतियूं पायल उनियाल अर श्रद्धेय ललित मोहन कोठियाल जीक पुण्यात्मा कि शांति का वास्ता “आखर” कि शोक सभा। साहित्यिक अर सामाजिक सरोकारों का प्रति संवेदनशील, उदयीमान नै छ्वाळि कि हुणत्याळि गढ़वाळि कवयित्री “पायल उनियाल” अर सामाजिक सरोकारों का प्रति समर्पित, रिजनल रिपोर्टर का कार्यकारी सम्पादक, उमेश डोभाल ट्रष्ट का महासचिव, पौड़ी का वरिष्ठ पत्रकार “ललित मोहन कोठियाल” जीक अचणचक्क दिवंगत होण पर यों द्विया पुण्यात्माओं कि शांति का वास्ता ऐतवार 07 अक्टूबर 2018, ब्यखुनि दां श्रीनगर गढ़वाल मा “साकेत” (पेट्रोल पम्म का नजीक) मा ”आखर” समितिन शोक सभा राखि।
शोक सभा मा यूं द्विया विभूतियूं पुण्यात्मा कि शांति का वास्ता मौन रखे ग्ये अर विनम्र श्रद्धांजलि दिये ग्ये| ईं शोक सभा मा संदीप रावत, गंगा असनोड़ा थपलियाल जी, पूनम रतूड़ी जी, राधा मैंदोली जी, भूपेन्द्र कुंवर जी, संगीता फरासी जी, पंकज नेगी जी, आरती पुंडीर जी, अनीता काला जी, रेखा चमोली जी, अंजना घिल्डियाल जी, राकेश जिर्वाण जी, चेतना थपलियाल शामिल ह्वेनि। भगवान यों द्वियूं तैं अपणा ठौ मा जगा द्यो।
संदीप रावत, अध्यक्ष, “आखर”, श्रीनगर गढ़वाल।
देवभूमि संवाद की ओर से दोनों विभूतियों को श्रद्धांजलि। ईश्वर पुण्य आत्माओं को शांति प्रदान करें।
स्वर्गीय पायल उनियाल की ये कविता उनके फेसबुक पेज से ली गई है.
