देवप्रयाग : 05 मई 2019 खुणी पंचप्रयागों मा प्रसिद्ध द्यवतौं कु प्रयाग-देवप्रयाग, उत्तम तीर्थ अर भगवान श्री रघुनाथ जी कि धर्ती मा उत्तराखण्ड कि दिवंगत महान विभूति, सुप्रसिद्ध साहित्यकार, सम्पादक मोहनलाल बाबुलकर जी तैं याद कर्ये ग्ये, अर काव्यमयी श्रद्धांजलि द्यिए ग्ये। नगर पालिका परिषद, देवप्रयाग का सौजन्य से स्व. मोहनलाल बाबुलकर जी कि याद मा “श्री रघुनाथ जी मन्दिर परिसर” मा वीर्येयां ये कवि सम्मेलन मा गढ़ गौरव श्रद्धेय नरेंद्र सिंह नेगी जी, माननीय मनोहरकांत ध्यानी जी (पूर्व सांसद, राज्य सभा), नगर पालिका परिषद देवप्रयाग का माननीय अध्यक्ष कृष्णकान्त कोटियाल जी अर सब्बि सम्मानित सभासद, श्रीनगर का पूर्व नगरपालिका अध्यक्ष कृष्णानन्द मैठाणी जी, प्रो. उमा मैठाणी जी, प्रभाकर बाबुलकर जी, सम्भू प्रसाद स्नेहिल जी का दगड़ा देवप्रयागै सम्मानित जनता कि गरिमामय उपस्थिति छै।
गढ़वाळि मासिक पत्रिका “धाद” का सम्पादक, यशस्वी कवि अर उत्तराखण्ड का सुप्रसिद्ध मंच संचालक गणेश खुगसाल “गणी” जी, देश-विदेशों का मंचों बटि हिन्दी कविता गौरव बढ़ौण वळा नीरज नैथानी जी अर जे.के. पैन्यूली जी “माटी”, गढवाळि हास्य कविता का सशक्त हस्ताक्षर मुरली दीवान जी, वरिष्ठ कवि अनुसूया प्रसाद भट्ट जी, गढवाळि व्यंग्यकार देवेन्द्र उनियाल जी, संदीप रावत जी, गीत विधा कि कवयित्री श्रीमती राधा मैन्दोली जीक दगड़ा ईं पावन धर्ती मा काव्यपाठ करी अर स्व. मोहनलाल बाबुलकर जी तैं श्रद्धांजलि द्ये।
यह भी पढ़ें:
श्रीनगर गढ़वाल में “आखर” द्वारा विशुद्ध गढ़वाली कवियत्री सम्मेलन
